OUR LATEST EPISODE

Mir sind in Kolumbiä! Yeyyyy!

Es neus Kapitel vo üsere Reis bricht a. In Kolumbie findet d Charon es sichers Plätzli in der Marina vo Santa Marta.

Vo do üs loht sich das wunderschöne Land viel besser erkunde. Sue und Peter, üsi beide Crewmitglieder verlönd üs und reised uf eigeni Fuscht witer.  Au üs diktiert Corona leider z Lebe und e Planig vo üserer witere Reis isch im Moment schwirig. So hend mer üs gmeinsam entschide, dass üsi Fründä ihri Witerreis anderscht in Agriff nehmed und mir vorerscht jeglichi Planig de Sterne überlönd. Es isch e wunderschöni Zit gsi mit eu an Bord und mir freued üs scho riesig uf es Wiederseh, in Kolumbiä, oder sus irgendwo uf dere Welt.

Panama, üsi eigentlich nägschti Station, steckt grad im zweite Lockdown. Aber was sölls, Kolumbiä het jo so viel z Bütä!